«Ұлы даланың дана ойшылы-Абай» атты іс-шара

21 ақпан күні Бөлтірік Әлменұлы атындағы орта мектебінде қазақ тілі мен әдебиеті пәнінің мұғалімі Р.Киркбаеваның ұйымдастыруымен 6-сынып оқушылары арасында қазақтың ұлы ақыны Абай Құнанбайұлының 175 жыл мерейтойына орай «Ұлы даланың дана ойшылы-Абай» тақырыбында әдеби-сазды кеш өткізілді. Кешті өткізудегі мақсатымыз: Ұлы ақын Абай шығармашылығын ата мұрамыз ретінде қабылдап, жаңа буын жас ұрпаққа танытып, терең меңгерту.

     Қазақтың біртуар ұлы, данышпан ақын, ойшыл, шоқтығы биік ұлы тұлға Абайдың мерейтойына арналған іс-шарада ақынның өлеңдері мен поэмалары оқылды, Абай өмірінен көріністер сахналанып, әндері шырқалды. Орыс классиктері Пушкин, Лермонтов шығармаларынан аудармалар оқылып, сахналық қойылым көрсетілді. Тағылымы мол, философиялық тұжырымға бай қара сөздерін оқыды. Шығармалары бойынша суреттер салынды.  

        Іс-шараға  барлық оқушы атсалысты,  әсіресе  Абай поэмаларын оқыған Ж.Бердібек, А.Еркінбек  және  «Шегіртке мен құмырсқа» мысалын сахналаған Ұ. Жәдікбай мен Н.Оңғар,  Әбіш ролінде ойнаған Б.Русланұлы ерекше көзге түсті.   Абай бейнесін сомдаған Б.Расылхан үлкен жауапкершілікпен ақын образын шынайы көрсете алды.