"Қызым еркем, жеңгесімен көркем

Бөлтірік Әлменұлы атындағы орта мектебінде 4 наурыз күні 3 сынып оқушыларының арасында «Қызым еркем, жеңгесімен көркем!» атты іс-шара өткізілді. Бұл іс-шараға қайынсіңлісі мен жеңгесі қатысты.

Сайыстың мақсаты: отбасылық тәрбиенің үздік үлгілерін насихаттау. Салт – дәстүрге деген қызығушылықтарын дамыту. Адамгершілікке, инабаттылыққа тәрбиелеу.

Сыныптан тыс іс-шарада бірінші жеңгесі мен қайынсіңлісі өздерін таныстырып өтті. Екінші кезекте өз өнерлерін көрсетіп, жеңгелер жағдаяттық сұрақтарға жауап берді. Келесі кезекте «Халқын сүйген – салтын сүйер» деп салт – дәстүрге байланысты көріністер қойды. Бұл кезеңде тұсау кесу, бесікке салу, бастаңғы рәсімдері көрсетілді. «Тату үйдің тамағы тәтті» бөлімінде қазақтың ұлттық тағамдарын дайындап, жасалу жолдарымен таныстырып кетті. Бұл сайыста жеңге мен қайынсіңлісі жарысында жақсы өнер көрсеткен топ марапатқа ие болып, жеңімпаз атанды. ІІІ орында Бердібек Ұлданай мен жеңгесі Аяулым иеленсе, ІІ орын Расылхан Аружан мен жеңгесі Әсел, І орын Бидәулет Сымбат пен жеңгесі Салтанат иеленді. Бас жүлдені Сәтекбай Еркеназ бен жеңгесі Айнұр алды.